மண் வள அட்டை திட்டம்

மண் வள அட்டை திட்டம்

மண்ணின் தன்மை, பாசன நீர், பயிர் மற்றும் பிற உயிரியல் பண்புகளின் அடிப்படையில் மண்ணின் வளத்தையும் தரத்தையும் இந்த மண்வள அட்டை நிர்ணயிக்கிறது .

விவசாயிகள் சொந்த அனுபவத்தையும், அறிவுத்திறனையும் கொண்டு மண்வளத்தைக் கண்காணிக்கவும், மேம்படுத்தவும் இந்த திட்டம் பயன்படுகிறது. . காலப்போக்கில் மண்வளத்தில் ஏற்படும் மாற்றங்களையும் அதற்கான மேம்பாட்டு முறைகளையும் இந்த அட்டையில் பதிவு செய்து கொள்ளலாம்

ஒரு இடத்திலுள்ள மண்ணின் தரத்தினை மற்றொரு இடத்திலுள்ள மண்ணின் தரத்துடன் ஒப்பிட்டுப் பார்ப்பது இந்த அட்டையின் நோக்கமல்ல ஆனால், ஒரு மண் எந்த அளவுக்கு பயிர் உற்பத்தித் திறன் கொண்டது என்பதை இந்த அட்டையைக் கொண்டு அறிய முடியும்.

சிறப்பான முறையில் உள்ளீடுகள் பயன்படுத்துவதன் மூலம் உற்பத்தித்திறனை மேம்படுத்த உதவுவதற்காக மற்றும் தனிநபர் விவசாய நிலங்களுக்கு தேவையான ஊட்டச்சத்துக்கள் மற்றும் உரங்கள் பயிர்வாரி பரிந்துரைக்கப்படும்.

ஒரு விவசாயிக்கு சொந்தமான ஒவ்வொரு நிலத்திற்கும் வழங்கப்படும் ஒரு அச்சடிக்கப்பட்ட அறிக்கையாகும் . இதில் 12 அளவுகோல்களுக்கேற்ப மண்ணின் நிலை குறித்த தகவல்கள் உள்ளடங்கி இருக்கும் . இதில் விவசாய நிலத்திற்கு தேவையான உரங்கள் மீதான பரிந்துரைகளும் மற்றும் மண் திருத்த ஆலோசனையும் அடங்கி இருக்கும்.

மண் வள அட்டை விவசாயிகளுக்கு இலவசமாக வழங்கப்படுகிறது மற்றும் அதன் பரிசோதனை முடிவுகள் ஆலோசனைகள் ஆகியவை இதில் உள்ளடங்கும் .மூன்று ஆண்டுகளுக்கு ஒருமுறை மண்வள அட்டை வழங்கப்படும் . விவசாயிகள் உள்ளூர் வேளாண் அலுவலகத்தை அணுகி இந்தத் திட்டத்தில் சேரலாம்.